Тус Эвлэл байгуулагдсаны 60 жилийн ойн арга хэмжээний хүрээнд Дизайн Урлагийн дээд сургуулийн багш , архитектор Давгадоржийн  Гантулгын  бүтээлийн “Гайхамшигт уран барилга” сэдэвт  судалбар гар зургийн үзэсгэлэн  энэ пүрэв гарагт  МАЭ-ийн ордонд нээгдлээ.

Архитектор Д.Гантулга нь  ажиллах явцдаа дэлхийн болон Монголын архитектурын гайхамшигт түүхэн барилгууд, сүм хийд , дуган болон мөн дэлхийд алдаршсан орчин үеийн архитектурын хосгүй бүтээлүүдийг   судлан, гараар зурсан 30 гаруй бүтээлээ дэлгэн үзүүлжээ.   Д.Гантулга эдгээр бүтээлээ үзэг, харандаа, маркер ашиглан тушь, усан будаг , харандаан будаг гэх мэт зургийн олон төрлийн материалыг ашиглан мэргэжлийн хүний нүдээр уран барилгын гайхалтай шийдлүүдийг олж харан , нягт нямбай ажилласан сайхан бүтээлүүд болжээ.

            Архитектурт сүүлийн үед ховордоод байгаа “гар зураг”-ийн аргаар бүтээсэн энэхүү сайхан үзэсгэлэнг өргөнөөр үзэж сонирхохыг уриалж байна.

Д.Гантулгынхаа цаашдын уран бүтээл, багшлах ажилд нь өндөр амжилт хүсье.

                Монголын архитекторуудын эвлэлийн ажлын алба.