Шавраар урласан байшин

        Колумбын 64 настай уран барилгач Octavio Mendoza 1650 метр хавтгай дөрвөлжин талбай бүхий байшинг шавраар урлажээ.  Тэрээр үүнийгээ "Дэлхийн шаазангийн хамгийн том хэсэг" хэмээсэн байна. Испани хэлээр “Casa Terracotta” хэмээн нэрлэгдэх энэхүү байшинг зөвхөн шавар ашиглан гар аргаар барьсны дараа шатааж бэхжүүлжээ.
      Колумбын Вилла де Левиа  уулын тосгонд байрлах тус байшинг орон нутгийн иргэд "Casa де Flintstone" буюу Flintstone ордон гэж нэрлэдэг.
“Casa Terracotta” нь  гаднаасаа асар том  шавар овоохойтой төстэй хэдий ч уулсаар хүрээлэгдсэн ногоон тариалангийн талбайн дунд тун ч онцгой харагддаг байна. Байшингийн өрөөнүүд өөр хоорондоо муруй гудмаар холбогдох бөгөөд гал тогооны ширээ, сандал, ор, тавиур гээд бүхий л зүлйсийг мэдээж шавраар хийсэн.
      Хөдөө тосгоны болхи сууц шиг санагдаж байгаа ч энд халуун ус, бие засах газар, нарны зайгаар тоноглогдсон гэрэлтүүлэг, бүрэн ажиллагаатай гал тогоо гээд орчин үеийн тав тухтай амьдрах орчныг бүрэн бүрдүүлж чадсан.
       Амины орон сууц, сүм дуганы дизайн голчлон гаргадаг уран барилгач Mendoza энэхүү байшингийн төсөл дээр 14 жилийн өмнөөс ажиллаж эхэлжээ.  Түүний зорилго нь байгаль дээр хамгийн элбэг байдаг нөөц баялгийг ашиглан амьдрах боломжтой сууц бүтээх явдал байв. Тиймээс ч “Casa Terracotta”- барихдаа цемент, ган ердөө ашиглаагүй. Тэрээр хэлэхдээ: "Дэлхий даяар оршиж байгаа цөлийн бүсүүдэд энэ технологийг ашиглан байшин барилга барьснаар олон сая гэр бүл хямд өртгөөр орон сууцтай болох боломжтой” гэжээ. 

 

 

2015-09-23
Бидэнтэй нэгдэх
Статистик
  • Өнөөдөр: 44
  • Сүүлийн 7 хоногт: 509
  • Энэ сард: 1504
  • Нийт: 63054

© 2015 МАЭ

Developed by Super Assist Systems LLC